امنیت شورا کې امريکا د اسراييلي ښکېلاک د پای ته رسولو قرارداد لغوه کړ

امنیت شورا کې امريکا د اسراييلي ښکېلاک د پای ته رسولو قرارداد لغوه کړ

 

 

نن ټکی اسیا (چهارشنبه، مرغومي۱۰مه، ۱۳۹۳ل): که څه هم د محمود عباس په مشرۍ د فلسطین حکومت په دې راضي شو، چې د مسلمانانو لومړۍقبله او د ځمکې پر سر درېیم مقدس مسجد لرونکی ښار «القدس» اسرايیلو سره په نیمه خپل د سلب شوي هیواد پلازمینه اعلان کړي، مګر بیا هم د ملګرو ملتونو په امنیت شورا کې د امریکا له خوا د ویټو واک په کارونې سره د عربي هیوادونو هغه غوښتنه رد شوه، چې اسرايیلو څخه غواړي په راتلونکو ۲ کلونو کې دې د فلسطیني ځمکو اشغال ختم کړي.

تیره ورځ د ملګرو ملتونو په امنیت شورا کې د اردن په غوښتنه یوه بیړنۍ غونډه راوبلل شوه، چې غوښتل یې د عربي هېوادونو هغه نوی پریکړه لیک امنیت شورا ته وړاندي کړي، چې له مخې به یې راتلونکو دوو کلنو کې اسراييل د فلسطيني ځمکو اشغال پای ته رسوي، بندیان دې خوشي کړي، په ۱۲ میاشتو کې دننه دي ټولې موضوعګانې وڅیړي او د حل لارو هڅي دې وشي او درېیم هیواد دې وټاکل شي، چې هغه له فلسطیني ځمکې څخه د اسرايیلیانو د وتلو څارنه وکړي او د فلسطیني هیواد د خپلواکۍ ضمانت دې ورکړي.

که څه هم مخکې تر دې فلسطینيانو، عربي او اسلامي هیوادونو تل په دې ټینګار کاو، چې فلسطيني دولت به په رسميت پيژندل کيږي او پلازمینه به يې القدس ښار وي او د عربي هیوادونو په دې وروستۍ پریکړه لیک کې هم القدس ښار د فلسطین یوازینۍ پلازمینه بلل شوې وه، خو د فلسطیني حکومت مشر محمود عباس په غوښتنه په پریکړه لیک کې نرمښت را وستل شوی او القدس ښار د دواړو هیوادونو، «اسرايیلو او فلسطین» پلازمینه بلل شوې، مګر داسې ښکاري چې دغه هڅه هم ناکامه شوه.

د دغه پریکړه لیک د منلو لپاره د ۱۵ غړي هیوادونو څخه د ۹ هیوادونو مثبته رایه شرط وه، په داسي حال کې د دایمي غړیتوب لرونکی یو هیواد به هم د ویټو حق نه کاروي، خو امریکا یو ځل بیا د اسراييلو په ملاتړ د ویټو حق وکاراوه او د دغه پریکړه لیک په مخ کې خنډ شو.

د امنیت شورا اتو غړو هیوادونو د پریکړه لیک په اړه خپله مثبته رایه وکاروله، خو بل اړخ ته امریکا او استرالیا د هغه پر ضد منفي رایه وکاروله، او همداسې پنځه هیوادونه چې په هغه کې برتانیا هم شامله ده، د رايي ورکولو څخه ډډه وکړه

BreakingNewsnn

ننګرهار: بټي کوټ کې ډله ییز برید پنځلسو تنو ته مرګ ـ ژوبله اړولې

 

نن ټکی اسیا (چهارشنبه، مرغومي ۱۰مه، ۱۳۹۳ل): د ننګرهار سیمه ییز چارواکي وايي چې د دې ولایت په بټي کوټ ولسوالي کې د حافظ کوډۍ په بازار کې څو تنو په عسکرو مخامخ بریدونه پیل کړي دي، چې لا هم روان دی.

برید نن سهار شاوخوا نهه بجې پیل شوی، چې تر اوسه پکې پنځلسو تنو ته مرګ ژوبله اوښتې ده.

ویل کېږي په پېښه کې درې تنه وژل شوي او دوولس نور ټپیان دي، چې د بټی کوټ د سیمه ییز روغتیايي مرکز د ډاکټر په وینا د ټپیانو حالت د اندېښنې وړ دی.

د ننګرهار امنیه قومندان پېښه مني، خو وايي چې له بشپړو جزیاتو معلومات نه لري.

تر اوسه د وژل شویو او ټپیانو اړوند نور معلومات نه دي تر لاسه شوي، خو ویل کېږي چې ډېری يې په کوډۍ بازار کې مېشت پولیس دي.

.

باید وویل شي، چې له دې وړاندې هم د ملګرو ملتونو لخوا د فلسطينيانو په ملاتړ ګڼ شمېر پرېکړه ليکونه قبول شوي، مګر تر اوسه يې څه ګټه نه ليدل کيږي.

د فلسطیني چارو کارپوهان وايي، چې هر کله په ملګرو ملتونو کې د اسرايیلو پر خلاف خبره راشي، نو امریکا په خپل ټول وس او توان سره د اسراييلو ملاتړ کوي، چې له امله يې تر اوسه د اسراييلو له خوا د فلسطيني خاورې اشغال روان دی او له اوږدې مودې د فلسطين د بې دفاع ښځو، ماشومانو او ولسي وګړو مرګ ژوبله روانه ده او اسراييلي ښکېلاکګر تل د مسلمانانو د لومړۍ قبلې سپکاوی کوي .

د پېښو څارونکي وايي، چې هر کله په ملګرو ملتونو کې د فلسطینیانو په حق کې یو پریکړه لیک ومنل شي، نو د عملي کولو لپاره يې سلګونه بهانې لټول کيږي، مګر کله چې د اسراييلو په ملاتړ کې کوم پریکړه لیک ومنل شي، نو بیا امریکا په ډيپلوماتيکو، مالي او نظامي مرستو د ياد پرېکړه ليک د عملي کولو هڅې کوي او هيڅ هېواد بيا د سرغړونې جرئت نه شي کولای.

د ملګرو ملتونو امنيت شورا پنځلس غړي هېوادونه لري، چې پنځه يې دايمي غړي دي، چې د ويټو حق لري او پاتې نور يې د دوو کالو لپاره انتخابيږي.

د امنيت شورا دايمي غړي امریکا، برتانيا، فرانسه، چين او روس دی.

Comments are closed.


Hit Counter provided by technology news