طالبانو یو نیم کال وروسته روسی پیلوټ خوشې کړ

wartlot

طالبانو یو نیم کال وروسته روسی پیلوټ خوشې کړ

نن ټکی اسیا (جمعه، لړم ۹مه ۱۳۹۳ل): طالبان وايي چې هغه روسی پېلوټ چې یو نیم کال وړاندې یې د یو هلیکوپتر سره نیولی و ، پرون د یو افغان همکار سره یوځای خوشې کړ.

طالبانو ویاند ذبیح الله مجاهد لخوا نن ټکی اسیا ته په رالېږل شوې خبرپاڼه کې ویلي چې روسی پیلوټ (پاول پیت رینکو) يې د ۸ ترکانو او ۲ افغانانو سره د لوګر ولایت د ازرې ولسوالۍ په مربوطاتو کې د یو هلیکوپتر سره ونیول چې پرون یې روسی پیلوټ له افغان همکار سره خوشې کړل.

مجاهد زیاتوي چې دغه کسان يې تېر کال د اپریل په ۲۱مه نیولي وه.

طالب ویاند وايي چې روسی پیلوټ (پاول پیت رینکو) په دې وروستیو کې سخت مریض شوی و او د روغتیايي حالت ته په کتو او د روس هېواد سره د اړیکو او تفاهم وروسته خوشې کړ.

«روسی پيلوټ (پاول پیت رینکو)چي په دې وروستیووختوکې سخت مریض شوی وو د صحي ملحوظاتو او اړوند هېواد سره دتماسونواو تفاهم په نتیجه کې د اسلامي امارت لخوا خوشی کيږي».

مجاهد وايي چې د روسي پیلوټ څخه یې ژمنه اخېستي چې د «کابل ادارې» سره به هيڅ ډول همکاري نه کوي او بېرته به خپل هېواد ته ستنیږي.

خبرپاڼه کاږي چې همدا راز یې د افغان همکار څخه هم کلکه ژمنه اخېستې چې د دوی پر ضد او د بهرنیو ځواکونو پر ګټه به هیڅ ډول فعالیت نه کوي.

د یادونې وړ ده چې طالبانو د تېر کال مۍ میاشتې په ۱۳مه ۸ ترکان خوشې کړل خو روسی او د هغه افغان همکار یې په زندان کې وساتل.

طالبانو ویلي و چې دا کار یې دښه نیت لمخې کړی او غواړي چې دترکیې له مسلمان هیواد سره ښې دوستانه اړیکې ولري بالمقابل له ترکي حکومت نه یې غوښتنه کړې چې ترک چارواکي هم باید دخپل ښه نیت اظهار وکړي او د داسي چارو ترسره کولو ته مخه کړې چې دافغان ترک دمسلمانو ولسونو دنیژدې کیدلو او دیني ورورولۍ دټینګیدو سبب شي

pul e charkhi 3

څرخي پله ۲۷ سوه زندانیانو غذايي اعتصاب کړی

نن ټکی اسیا (پنجشنبه، لړم ۷مه ۱۳۹۳ل): د څرخي پله په زندان کې سلګونو زندانیانو یو ځل بیا په غذايي اعتصاب لاس پورې کړی او وايي تر هغې چې غوښتنې پوره شوي نه وي اعتصاب ته دوام ورکوي.

ابوبکر او محمد عمر چې ځان د ننګرهار د شینوارو اوسیدونکي معرفي کول نن ټکی اسیا ته د تلیفون له لارې وویل چې د په څلورم بلاک کې ۱۸۰۰ زندانیانو او په شپږم بلاک کې ۹۰۰ بندیانو له تېرو ۵ ورځو راهیسې په غذايي اعتصاب لاس پورې کړی.

دوی وايي چې سلګونو بندیانو خپلې خولې تړلي دي.pul e charkhi zandan  3

د ابوبکر شینواري په خبره چې د ګډ حکومت ولسمشر د څرخي پله زندان څخه د لېدنې پر مهال دوی سره یو شمېر ژمنې وکړې خو دا کاغذ پر مخ پاتې شوې او عملي نشوې او له همدې دوی په غذايي اعتصاب لاس پورې کړ.

محمد عمر د شپږم بلاک د بندیانو اعتصاب په اړه نن ټکی اسیا ته وویل چې له تېرو ۲ ورځو راهیسې بندیانو په اعتصاب لاس پورې کړی او شمېر يې ۹۰۰ ته رسیږي.

عمر وايي چې بندیان نېوکه کوي بندیانو ته حقوق نه دي ورکړل شوي او پر هغه فرمان چې د ولسمشر لخوا څه موده وړاندې صادر شوی و، لا هم پرې عمل نه دی شوی.

یاد بندي وايي چې بندیانو په غوښتنو کې په اعدام محکوم شوو بندیانو ته بخښنه، عمومي عفوې اعلان، سختو او سپین ګیرو بندیانو خوشې کول، حرفوي زده کړو اسانتیاو برابرول او نورې شاملې دي.

یاده دې وي چې اشرف غني احمدزي د تلې په ۱۷مه د شپې ناوخته د څرخي پله زندان څخه لیدنه وکړله او د زندانیانو دیوه پلاوي سره یې وکتل.

احمدزي په دغه لیدنه کې بندیانو سره ژمنه وکړله چې دوسیې یې به يې بیا وڅېړي.

د محبسونو او توقیف ځایونو اداري مرستیال محمدقیس فصیحي هم د څرخي پله د زندانیانو اعتصاب تایید کړی.

فصیحي ویلي چې په پیل کې د اعتصاب کوونکو شمېر ۵۰۰ و، خو وروسته دغه شمېر بیخي زیات شو.

که څه هم زندانیانو د هغو بندیانو چې خولې تړلي شمېر سلګونه ښيي خو فصیحي بیا وايي چې یواځې ۳۰ کسانو خولې ګنډلي دي.

Comments are closed.


Hit Counter provided by technology news